İCRA BAŞÇISI VƏ DEPUTAT TALIŞ DİLİNƏ QADAĞA QOYUB
Təhsilin
Lerikdəki səviyyəsindən yazmaq fikrim yoxdur, onsuz da bu barədə yazanlar
çoxdur və görünəni də odur ki, bu yazılanların Lerik rəhbərliyinə, xüsusən Təhsil
Şöbəsinə heç bir aidiyyatı olmur. Bizim mövzumuz mövcud Konstitusiyanın “hər kəsin
ana dilində təhsil almaq hüququ var” bəndinin ətrafında olacaq...
...İlk olaraq onu qeyd edim ki, Konstitusiyanın bu bəndi
Lerikdə, (bəzi şəxslərin dediyinə görə icra başçısı Rövşən Bağırovun göstərişi
ilə, bəzi şəxslərin isə əksinə, Lerikdən deputat təyin edilmiş İqbal Məmmədovun
göstərişi ilə) yasaqlanıb. İbtidai
siniflərdə “Tolışə Zıvon” dərsləri keçirilmir, keçirilməməsi bir yana, uşaqlara
“Talış dili kimə lazımdır, boş şeydir” təbliğatı ilə, Talış dilinə qarşı nifrət
aşılanır! Gəlin konkret faktlara müraciət edək. Lerikin ən böyük inzibati-ərazi
vahidi olan Vizəzəmin inzibati- ərazi vahidliyinin heç bir ibtidai məktəbində
“Tolışə Zıvon” dərsləri keçirilmir. Bu barədə həmin ərazi vahidliyində yerləşən
məktəblərin şagirdləri ilə apardığımız söhbətlər zamanı tam məlumatlandıq. Demək
ki, Lerikdə, əslən talış olan, lakin kimlərinsə əmri ilə millətinə nifrət edən
və bu nifrəti uşaqlara aşılayan “müəllim tayfası” uşaqlara “Tolışə Zıvon” dərsini
keçmək əvəzinə, “ağalarına” xoş gəlsinlər deyə məktəblərdə anti-talış dili təbliğatı
ilə məşğuldurlar. Bu təbliğat şagirdlərin iliyinəcən qanlarına o səviyyədə
yeridilib ki, onlar artıq “biz talış deyilik” kimi sərsəmləmələri etməyə
başlayıblar. Təbii ki, bu işdə məktəblə yanaşı valideyinlərin də gü- nahı var,
amma əsas günah dövlətdə, onun pantürkist-anti-talış siyasəti aparan məmurlarındadır.
Nəzərə alsaq ki, valideyinlərin çoxu gənc ailələrdir və onlar da həmin
“antitalış” məktəblərini bitiriblər, daha deməyə söz qalmır! Millət, xalq
özü-özünü inkar etməyə məcbur edilirsə - bu çox təhlükəli bir tendensiya
yaradacaq ki, bu da öz növbəsində Azərbaycanımızı çox ağır fəsadlara gətirib
çıxardacaqdır!...
...İndi gəlin yuxarıda adları sadalanan şəxslərə səslənək.
Deyilənlərə görə
icra başçısı Rövşən Bağırov Lerikdəki bütün icra nümayəndəliklərinə və Təhsil
Şöbəsinə məktəblərdə talış dilinin tədris edilməməsi barədə xüsusi göstəriş
verib. Hətta iddia edənlər də var ki, bu işdə icra başçısı DTXnın əməkdaşlarının
yardımından da yararlanır. Adlarının çəkilməsini istəməyən müəllimlər DTX əməkdaşlarının
tez-tez məktəblərə baş çəkərək, müəllimlərə, şagirdlərlə heç bir halda talış
dilində danışmamaq barədə göstəriş də verdiklərini bildirirlər. Təbii ki, biz
buna inanmaq istəməzdik, amma Vizəzəmin məktəbinin şagird və müəllim heyyəti ilə
kiçik təmas bu məlumatın heç də şaiyyə olmadığını sübut edir. Müəllimlər, sanki
kimsə onları DTX əməkdaşlarına satar qorxusu altında uşaqlarla nəinki məktəbdə,
məktəbdən kənarda da öz ana dillərində danışmırlar!
Lerikdən deputat təyin edilmiş İqbal Məmmədovun da adı
“anti-talış kompaniyasının ideoloqları” sırasında çəkilir. Son, 2015- ci ilin seçkilərində
icra başçısı Rövşən Bağı- rovun İqbal Məmmədova yox, digər, özünə yaxın olan gənc
namizədə stavka etməsindən deputat İqbal Məmmədov da xəbərdar idi və Prezident
Aparatı İqbal Məmmədova stavka etməsə idi, çox guman ki, Rövşən Bağırov
“qutudan” özünə yaxın olan adamı çıxardacaqdı. Bizim Azərbaycanın “seçki”
sistemi haqqında geniş informasiya vermək fikrimiz yoxdur, bağça uşağından
tutmuş ahıl insanlaracan hamı bu sistemdən xəbərdardır. Sadəcə İqbal Məmmədovun
durumu haqqında kiçik girişə ehtiyac duyulurdu. Fərz edirsizmi 2020- ci ildə
İqbal Məmmədov deputat seçilməsə nələr ola bilər? İqbal Məmmədovdan bu boyda
biznes şəbəkəsinin maliyyə mənbəyi soruşulsa – kifayətdir! Bəs bu boyda biznesi
saxlamaq, ən əsası isə 2020-də yenidən “seçilmək” üçün deputat nə etməlidir? Təbii
ki, Prezident Aparatında oturan və yeri gəldi-gəlmədi türkçülüyü təbliğ edən
zümrəyə xoş gəlmək üçün o, Lerikdə talış dilinin bir dil kimi məhv edilməsində
rəhbər şəxs olmalıdır. Belə olmasa idi hörmətli deputat bu məsələni heç olmasa
deputatlıq müddətində bir dəfə Milli Məclisdə qaldırardı. Qaldırmırsa – demək o
da, Rövşən Bağırov kimi əhli-Lerikin öz ana dilində danışmasının əleyhinədir.
İstənilən halda bu iki şəxs Lerikdə talış dilinə və
talış adına edilən basqılarda ən böyük günahkarlardır! Daha sonra günahkarların ranqı
get-gedə azalır və icra nümayəndələri, məktəb direktorları, müəllimlər səviyyəsinə
enir. Günahkarlara baxanda isə adam qeyri-ixtiyari fikrə gedir: görəsən do-
ğurdanmı bu insanlar “yuxarıların qorxusundan” talış dili ilə mübarizə
aparırlar? Əgər bu doğrudursa, onda bir məsəli də çəkməsək olmaz:
Qorxaq gündə yüz yol ölür...
Qorxaq olmayın cənablar, qorxaq müəllimin dərs dediyi
və Ana dilinin, dolayısı ilə Ana-Vətən sevgisinin nə olduğunu anlamayan şagird
samiraldo təfəkküründən uzağa getməz, o şagirddən vətənpərvər olmaz, vətənpərvərləri
samiraldolara nisbətdə sürətlə azalan Vətəni isə qoruyan tapılmaz, qorunmayan Vətənin
isə aqibəti çox acınacaqlı olur.
TOLIŞON SƏDO
Hiç yorum yok:
Yorum Gönder