Kimdir separatçılıq edən???
Azərbaycanda
istənilən sahədə problemin olduğu hamımıza aydındır. Təssuflər olsun ki, mətbuat
da bu sıradan kənarda deyil və çox acınacaqlı bir durumdadır. Mətbuatda yalana,
böhtana və ən əsası əsaslandırılmamış informsiyalara hər gün rast gəlirik. İş o
həddə çatıb ki, bəzi xəbər portalları, bəzi saytlar kimlərinsə əlində oyuncağa
çevrilib. Daha dərinə gedəndə məlum olur ki, kiminsə haqqında şər və böhtan
dolu yazı yazdırmaq lazımdırsa, belə xəbər saytlarına müəyyən məbləğ verməklə buna nail olmaq olar. Hətta elə insanlar haqqında şər-şəbədə yazırlar ki, onlar
daima bu ölkəyə xidmət edib və indi də xidmət edirlər.
Təssüflə
qeyd edirəm ki, Azərbaycanda təhsil sahəsində özünəməxsus xidmətləri olan
insanlar belə şər və böhtan dolu “xəbərlərdən” sığortalanmayıblar. Belə
insanlardan biri də 136 saylı məktəbin direktoru Eldəniz Əkbərovdur.
Eldəniz
Əkbərov 13.07.1976-cı ildə Lerik rayonun Biləband kəndində anadan olub.
1996-2000-ci illərdə Azərbaycan Pedaqoji Universitetinin Filologiya fakültəsində
oxuyub. 2001-ci ildən 149 saylı məktəbdə “Azərbaycan dili və Ədəbiyyatı” müəllimi
kimi fəaliyyətə başlayıb. 2005-2016-ci illərdə həmin məktəbdə Təlim-Tərbiyə işləri
üzrə direktor müavini vəzifəsində çalışıb. Bir müddət öncə - 1 sentyabr 2016-ci
ildə Təhsil Nazirinin qərarı ilə 136 saylı məktəbə direktor təyin olunmuşdur.
Eldəniz Əkbərov 2012-ci ildə Azərbaycan Prezidentinin qərarı ilə Təhsil sahəsindəki
xidmətlərinə görə “TƏRƏQQİ” medalı ilə təltif olunmuşdur. Qardaşı Vidadi Əkbərov Lerik Rayon Polis Şöbəsində işləyir və həmdə Fizülidə,
Ağdamda və Cəbrayılda 2 il gedən döyüşlərdə
iştirak etmiş,müharibə veteranı və Qarabağ qazisidir.Qardaşı oğlu da
hal-hazırda cəbhə bölgəsində vətənə xidmət edir.
Eldəniz
Əkbərov haqqında “Gündəlik Bakı” qəzeti 16.09.2016-ci il tarixdə “136 saylı məktəbin
direktorunun gecə görüşü”(http://gundelik-baku.com/index.php?newsid=48828), 03.10.2016-ci il tarixdə “Separatçı Əlikram Hümbətovun
qohumları və onu dəstəkləyənlər iş başında”(http://gundelik-baku.com/index.php?newsid=49491),
24.11.2016-ci ildə “136 saylı məktəbin direktoru Əlikram Hümbətovun fəal
tərəfdarıdır”(http://gundelik-baku.com/index.php?newsid=54106) başlıqlı 3 şər və böhtan dolu məqalə vermişdir.
Birinci
məqaləsində müəllif qeyd edir ki, “Eldəniz Əkbərov axşam saatlarında valideynlərlə
görüşür və bu valideynlərə heç də elə belə başa gəlmir”.Açıq da olmasa, müəllif
demək istəyir ki, bu hansısa məbləğ və yaxud da vəsait hesabına başa gəlir.
Amma konkret olaraq buna sübut kimi heç nə görsədə bilmir. Çünki belə bir hadisə
baş vermədiyi elə müəllifin sübüt və əsas gətirməməsindən də görsənir. Müəllif
bir şeyi unudub ki,məktəbin nəznində həftənin 1,2,6 günlər axsam saat 17:15-21:00 arası qiyabi quruplar təhsil
alır.Bu saatda sözsüz ki məktəb direktoru iş başındadır və nəzərə alsaq 450-dən artıq şagirdin qiyabi
quruplarda təhsil alması və onların valideynlərinin bu vaxtda məktəbə gəlməsi təbidir.
Birinci
məqalənin heç bir ajotaj doğurmadığını görən müəllif, ikinci məqaləsində məktəb
direktorunu Əlikram Hümbətovla bağlayır. Müəllif qeyd edir ki, «136 saylı orta məktəbin direktoru Eldəniz Əkbərov 149
nömrəli orta məktəbdə Nazim Qardaşovla bir yerdə çalışıb. Belə ki, Nazim
Qardaşov hazırda 149 saylı orta məktəbdə cəbr, həndəsə və riyaziyyat müəllimi
kimi fəaliyyət göstərir. Deyilənlərə görə, separatçı Əlikram Hümbətovun yaxın
qohumlarından olan Nazim Qardaşov məhz Eldəniz Əkbərovun vasitəsilə 136 saylı
orta məktəbin direktor müavini vəzifəsinə təyinat almaq üzrədir.
Halbüki
direktorları Təhsil Naziri, müavinləri isə Bakı şəhəri üzrə Təhsil İdarəsi təyin
edir və direktorlar buna heç cür qarışa bilmir. İkincisi, Nazim Qardaşovun
Əlikram Hümbətovla heç bir qohumluq əlaqəsi yoxdur.
Müəllif
yazısında qeyd edir ki, «Deyilənlərə görə, Nazim Qardaşovun yaxın
qohumlarından olan Telman Qardaşov isə Xətai rayonunda yerləşən 171 saylı orta
məktəbin direktorudur. O da bildirilir ki, Nazim Qardaşov separatçı Əlikram
Hümbətov «Talış Muğan Respublikası» yaratmağa çalışdığı dönəmlərdə onun ən fəal
tərəfdarlarından biri olub. Ümumiyyətlə, Qardaşovlar separatçı Əlikram Hümbətova
hələ də xüsusi simpatiya bəsləyirlər. Deyilənlərə görə, onlar separatçı Əlikram
Hümbətova həyətlərində və ya digər «münasib» bir yerdə heykəl qoymağı
planlaşdırırlar. Bu isə onu deməyə əsas verir ki, Nazim Qardaşov və onunla əlbir
olan şəxslər birbaşa separatçılığı dəstəkləyirlər».
Belə
bir halın olması mümkünsüzdür. Çünki Azərbaycanda belə məsələlərdə Milli Təhlükəsizlik
Orqanlarının fəaliyyətini nəzərə alsaq buna heç vaxt imkan verməzlər. Heç belə
bir adamın hansısa vəzifədə işləməsinə belə imkan verməzlər. Eldəniz Əkbərov
ölkə başçısı tərəfindən təhsil sahəsindəki xidmətlərinə görə “Tərəqqi” medalı
ilə təltif olunmuşdur.Həmdə Eldəniz Əkbərovun 1993-cü il hadisələri zaman orta
məktəb şagirdi olub.Bunun da yalan olduğu açıq-aşkar görünür.
İkinci
məqaləsinin də heç bir nəticə vermədiyini görən müəllif şər-böhtan
kampaniyasını davam eləyir. Üçüncü məqaləsində isə müəllif qeyd edir ki, Eldəniz
Əkbərov həmyerlilərini, yəni əslən Lerik rayonundan olanları ətrafına yığır.
Burdan açıq-aşkar görsənir ki, müəllifin savad baxımından problemi var. Azərbaycanda
hər kəs bilir ki, müəllimlər Təhsil Nazirliyi tərəfindən imtahanlarnan işə qəbul
olunur. Açıq-aşkar görsənir ki, müəllif şər-böhtan atmaq üçün bütün vasitələrə əl
atır. İkinci tərəfdən müəllif özü milli ayrı-seçkiliyə yol verir. Çünki müəllimlərin
imtahanlarnan qəbul olunduğunu nəzərə alsaq və bir məktəbdə bu imtahanlar vasitəsiylə
4-5 Lerikdən olan müəllimin işləməsi normaldır. Burdan da açıq aydın görünür
ki, müəllifdə talışlara qarşı antipatiya var və o, hər vəclə məktəb
direktoruna, onun milli kimliyini xüsusi qara rənglə qabardaraq şər-böhtan
atmaqla, Azərbaycandakı sabit tolerant mühitə zərbələr vuraraq, bu mühütin pozulmasına
xüsusi səylər göstərir. Ümüdvar olmaq istərdim ki, müəllif və qəzet rəhbərliyi
hər üç yazıya görə aidiyyatı orqanlara dəvət ediləcəklər və onlardan, onların
milli münasibətləri korlamaq istəkləri və bu istəyin mənbəyi soruşulacaq, çünki
bu cür faşist düşüncələrin mənbəyinin araşdırılması zərurəti var. Bu cür bədxassəli
şişləri vaxtında kəsməsək, Azərbaycanın tolerantlığı zərbə altına düşə bilər.
Müəllifin
3 məqaləsinin şər,böhtan və sifarişli olduğu açıq aşkar görünür.Sifariş verənlərdə
hal-hazırda Təhsil sahəsində heç uğuru olmayan və Təhsil sahəsindəki fədailərin
uğurlarını həzm edə bilməyən insanlardır.Hətta sifariş verənlər daha da irəli
gedərək sosial şəbəkələr üzərindən saxta profillərnən təbliğat aparırlar.Artıq belə mənfur insanlar
haqqında araşdırmalar gedir və gedişatı tam olaraq mətbuata təqdim edəcəyik.
Mövzu
diqqətimizdədir.
aaa menim mektebim
YanıtlaSilbeli sizin mektebinizdi
Sil